港聞

港聞二

下一篇
上一篇

楊潤雄促成港日小學「乒乓外交」

【明報專訊】教育局長楊潤雄除咗搞教育,噚日仲做埋外交大使,促成「乒乓外交」!事緣局長早前接到日本駐港總領事館代日本國際學校嘅邀約,提到學生話想搵局長交流,局長就諗計,話大家坐定定同佢傾偈好悶,不如搵埋本地同學一齊玩,等大家多啲互動,於是噚日60名日本學生就去到灣仔軒尼斯道官立小學,同局長同一班本地生交流。

軒尼斯道官立小學好好客,安排咗一名媽媽係日本人嘅本地生,用日語致歡迎辭。同學仔之後與局長傾偈,問局長工作有咩嘢挑戰等。校方仲安排大家一齊打乒乓波,但唔係正式比賽,而係學生玩排隊接龍一人一板對打,友誼第一喎。日本國駐香港總領事館首席領事廣田司噚日都一齊參與。

相關字詞﹕日本國際學校 乒乓外交 楊潤雄

上 / 下一篇新聞