港聞

港聞二

上一篇

為環保鬥跑 林超英贏大嘥鬼父子馬鼻

【明報專訊】世界綠色組織噚日喺中環舉辦「跑出藍天」活動,透過跑步比賽宣揚環保,全場水站均使用可循環再用膠杯,亦不提供比賽T恤,參加者要自備代表藍天同白雲嘅藍或白色T恤,吸引900名市民參加10公里賽事。

同場仲有嘉賓100米接力賽,藍天隊由環境局長黃錦星領軍,聯同世界綠色組織行政總裁余遠騁等,仲有大嘥鬼助陣;白雲隊就由經常與局長鬥慳電嘅天文台前台長林超英聯同香港氣象學會發言人梁榮武等組成,仲有大力水手加入。結果同樣跑最後一棒嘅星星局長同林超英幾乎一齊衝線,大會話白雲隊贏馬鼻,但最重要都係透過活動傳遞環保信息,將藍天白雲交予下一代。

上 / 下一篇新聞