港聞

港聞二

下一篇
上一篇

上完漁署免費班 「狗奴才」變主子

【明報專訊】狗仔「萌樣」可愛迷人,但對新手狗主嚟講,要訓練「毛孩」聽話就相當「頭痕」。漁護署近年不定期搞免費「犬隻服從訓練課程」,每次名額都好快「爆滿」,噚日「政府新聞網」fb專頁上載短片,力谷課程「人氣度」。短片入面,有狗主讚課堂技巧有用,幫助了解「主子」真性情咁話。

女警上完堂發覺用錯教法

新手狗主梁皓妤,養咗柴犬Nami年幾,笑言Nami當佢「狗奴才」,「無餵小食,Nami唔會聽我話」,而且有人經過屋企門口,Nami會不斷吠,搞到鄰居投訴。為解決問題,皓妤報咗漁護署犬隻訓練班,先知「主子」原來「受軟唔受硬」,本身係女警嘅皓妤話,「以往當Nami做警犬咁,好有紀律訓練」,上完堂先知自己一直用錯方法。

講番個課程,分為理論和實踐兩部分,內容包括講解犬隻訓練理論、犬隻行為及思考模式、基本犬隻服從訓練技巧,每次名額20個,大家有興趣記住不時留意漁護署官網啦。

上 / 下一篇新聞