港聞

港聞二

下一篇
上一篇

黃傘驚現華叔簽名

【明報專訊】民主派噚日傾巢而出,幫參選九龍西補選嘅李卓人拉票,而噚日不時落雨,教育界立法會議員葉建源同前議員張文光喺美孚拉票期間,就遇到一個民主派支持者,拎住黃傘走埋佢哋街站。葉建源話,市民拎黃傘唔出奇,奇就奇在呢把黃傘上竟然有「華叔」司徒華簽名。佔領運動喺2014年發生,黃傘成為運動標記,但華叔早於2011年過身,無理由參加到佔領運動吧?

葉建源話呢位拎黃傘嘅先生應該係有先見之明,早於佔領運動前已用黃傘收集簽名,除咗有華叔,仲有民主黨前主席李柱銘2012年嘅簽名。噚日呢位先生繼續集郵,黃傘上有埋張文光同葉建源嘅簽名,一傘集齊3個教育界議員嘅簽署,認真特別!

上 / 下一篇新聞