港聞

港聞二

上一篇

梁廣灝任滿 九鐵年薪300萬招新總裁

【明報專訊】九廣鐵路噚日登廣告,出價年薪約300萬元招聘新總裁,聘任合約期3年,明年6月1日履新。

72歲嘅九鐵現任總裁梁廣灝向Emily講,覺得自己年紀唔小,都過咗退休年齡,有考慮先休息吓甚至完全退休,就算再做嘢都想搵新嘅範疇試吓。梁廣灝話初初接呢份工都係3年合約,已續約兩次,合共做咗6年,任期內可以見到高鐵完成幾開心,形容係「做到啲嘢」同見證咗香港一個幾大嘅里程碑,但嚟緊就唔會續第三次約啦。

梁廣灝喺港大機械工程學士畢業,係資深專業工程師,做過工程師學會會長、機管局成員同城規會委員。

九鐵招聘廣告列出要求,新總裁理想人選係擔任過高級管理職位至少10年,要有出色嘅語文同溝通技巧,仲要有高度誠信同好嘅領導同管理能力,要負責全面管理九鐵嘅行政同財政。

上 / 下一篇新聞