港聞

港聞二

下一篇
上一篇

AY諷「有頭髮邊個想做檢基」 被回敬小心君體也相同

【明報專訊】九龍西補選聽日舉行,各陣營都盡最後努力宣傳,亦不留情批評對手。Emily噚日提過,香港眾志黃之鋒為李卓人拉票時,巧遇前警務處長曾偉雄為陳凱欣拉票,引述有街坊問對方係咪馮檢基,之鋒話可能同兩人髮型有啲似有關。公民黨黨魁楊岳橋(AY)前晚喺facebook轉貼相關報道,並加一句「有頭髮邊個想做檢基?」,結果引嚟部分網民抨擊,不滿AY以別人外觀作人身攻擊。

任建峰:有時真係頂唔順民主派

AY呢篇轉貼雖然吸逾500個「哈哈」同讚好,但亦有百幾個網民畀「嬲嬲」,留言就以批評AY為主,有人反問「(馮檢基)有冇頭髮關你乜事」。

陸頌雄噚日喺fb以「男人之苦」為題貼文,話有研究顯示每6個男人就有一個脫髮,AY「今日笑人冇頭髮笑得咁開心,小心他朝君體也相同呀」。就連支持民主派嘅法政匯思前召集人任建峰,噚日都忍唔住喺fb貼文,形容AY呢篇轉貼,正正係「為何我有時真係頂唔順民主派人士啲做事方式」嘅例子。補選其他候選人包括伍廸希、曾麗文。

上 / 下一篇新聞