港聞

港聞二

上一篇

柯仔潮州戲扮船夫 辦事處練習

【明報專訊】民建聯立法會議員柯創盛(柯仔)祖籍潮州,為咗身體力行推廣當地文化,佢聽日(周六)會喺一場地區潮劇表演中粉墨登場,首次客串飾演船夫,希望娛樂一下街坊。柯仔同Emily講,自己已經為角色練習咗一個星期,戲分唔多,但都盡心盡力練唱歌同台詞,並模仿「撐船」動作,希望到時400幾個到場觀眾會欣賞佢嘅演出。

柯仔話,呢套潮劇會喺黃大仙一個社區中心上演,過往喺地區已上演咗百幾場。為咗扮得入型入格,佢近日無論喺議員辦事處定屋企,都不停練習撐船動作,佢笑言無因為咁而練大隻咗,畀老婆問起點解做呢個動作時,就會講笑話係因為雙手發痛,所以要做伸展動作。柯仔話,師父陳鑑林不時同佢講要搞多啲得意嘢冧吓街坊,佢希望今次演出不負眾望。

相關字詞﹕柯創盛

上 / 下一篇新聞