港聞

港聞二

上一篇

平機會獲評C 陳章明:有先天缺陷

【明報專訊】國家人權機構全球聯盟今年初發表報告,用是否符合「巴黎原則」評論全球各地共120個人權機構,當中香港嘅平機會18年來都只係得最低嘅C級,意味唔符合「巴黎原則」,報告上只有10個組織係咁。

資源法例局限

平機會主席陳章明噚日就話,可以做得更好「必然係啱」,評級就唔評論,但話平機會喺有限資源、法例局限下,目前只係有權處理4條法例底下嘅工作,未必每一個人權範疇都涵蓋到,呢個係先天缺陷,已經不斷同政府商討,希望增大法例涵蓋面,同埋畀多啲權力平機會,處理投訴時可以更獨立、更有力。

「巴黎原則」係聯合國關於保護、促進人權嘅國家機構地位嘅原則,包括機構成員任命要確保多元代表,有專業組織、大學專家、非政府組織等;應該有充足經費以便獨立於政府等。

上 / 下一篇新聞