港聞

港聞二

上一篇

李卓人團隊為少數族裔特製文宣

【明報專訊】九龍西補選下星期日舉行,九西有唔少外國人,例如九龍城特別多泰國人,少數族裔自然係拉票對象之一。有職工盟組織幹事喺facebook出post,話為候選人李卓人整咗尼泊爾文、泰文、印地語同英語文宣,形容今次選戰,大局流向可能只係1%嘅分別。文宣上甚至有李卓人用白布包住頭、模仿尼泊爾人嘅打扮。人哥透過助理回覆,話尼泊爾習俗上咁係代表尊貴嘅嘉賓,文宣上嘅佢當時出席緊尼泊爾建築工會同尼泊爾同鄉會活動。

港台英文台《Backchat》今朝會舉辦選舉論壇,自稱「劏房阿哥」嘅獨立候選人伍廸希噚日甚至特登準備英文政綱,詳列要監察港鐵、應將八成住宅用地撥作公營房屋等措施。呢個選舉論壇只有陳凱欣將會缺席,佢透過助手回覆,因陳行程緊密及本已安排競選活動,故未能出席。而陳凱欣噚日則繼續出其他人支持佢嘅宣傳片,包括做過「展昭」嘅藝人何家勁同衛生署前署長林秉恩。其他候選人包括馮檢基同曾麗文。

相關字詞﹕少數族裔 九西補選 李卓人 陳凱欣

上 / 下一篇新聞