港聞

港聞二

下一篇
上一篇

獎勵公僕旅行 「任何人」可同行

【明報專訊】高等法院早前裁定公務員事務局拒絕讓公務員嘅同性婚姻配偶享福利及津貼嘅決定係歧視,政府亦逐漸更改做法,公務員局早前就向立法會提交文件,透露政府嘅「長期優良服務公費旅行獎勵計劃」,會喺2019/20年度起優化,取消原本公務員只能同配偶同行嘅限制,獲獎者嘅同行者,將由配偶擴至任何人都得。

取消只能同配偶同行限制

立法會相關事務委員會噚日討論公務員嘉獎計劃,當中提到表揚長期服務而表現優良嘅非首長級人員,如果連續服務20年或以上,表現優良又從未獲政府旅行獎勵,可以申請一次過旅行津貼,今年度合約有2530個獎額,津貼金額為約2.4萬元一個人,過去安排係已婚獲獎人員如與配偶同行,其配偶都有同樣津貼,政府決定下年度優化計劃,取消只能與配偶同行嘅限制,獲獎者可彈性選擇一名同行人士領取旅行津貼。公民黨譚文豪會上話,計劃要做咗20年以上先可以申請,可能有啲公務員配偶已離世,或者離婚,甚至其性傾向令佢未必有合法配偶,大讚政府聽議員意見去改變。

相關字詞﹕emily 公務員

上 / 下一篇新聞