港聞

港聞二

下一篇
上一篇

自由黨成立義工組 服務青年

【明報專訊】商界政黨自由黨噚日成立義工組,並喺深水埗美荷樓舉行啟動儀式。義工好多時都係幫助基層為主,以商界為主嘅自由黨成立嘅義工組就主打服務年輕人。

自由黨主席張宇人、黨魁鍾國斌、立法會議員邵家輝,勞福局副局長徐英偉等,噚日都有出席啟動禮,徐英偉致辭時就叫大家盡快登記義工名冊,講笑話唔係就會變成「黑工」。自由黨話,會先以年輕人為服務對象,希望以資訊科技平台,提倡年輕人做好生涯規劃,又會支持兒童發展基金,協助年輕人培養出訂立理財目標嘅習慣。

生涯規劃可以好闊,自由黨就話邀請到唔同行業同專業界別嘅黨友幫手,自由黨義工組主席嚴偉賢就話,希望以緊貼社會脈搏、與時並進方式推動義務工作。

相關字詞﹕義工 自由黨

上 / 下一篇新聞