港聞

港聞二

上一篇

中大公關擅搬咪兜 惹傳媒不滿

【明報專訊】噚日係中文大學校長段崇智上任後第一次出席畢業禮,成個典禮完咗後,原本一眾記者放好攝錄機、擺好咪牌等段校長出嚟「扑咪」,但一眾公關就做咗一件事令傳媒行家不滿。

事緣中大公關喺大家擺好陣後,話驚落雨而要傳媒移師室內,但大家放好晒機同咪,唔想搬,而當時只係天陰陰。公關們就笑笑口,未等行家答應就將啲咪線拆開,搬個咪兜入室內,搬走埋背景板,成班行家不為所動,雙方僵持。

等緊校長期間,行家分別訪問喺畢業禮舉橫額嘅畢業生,個咪兜又突然出現,成班公關企晒一邊唔知商討緊咩,又一直無講校長幾時會嚟。行家等咗一陣,公關就同大家講「唔好意思」,話校長因為趕開會,唔出現喇。最後亦無落雨。成件事令Emily諗起段崇智上任後第一次見傳媒,唔夠兩分鐘就被傳訊及公共關係處長張宏艷拉走一幕,但今次張宏艷就不在場。

相關字詞﹕中文大學

上 / 下一篇新聞