港聞

港聞二

下一篇
上一篇

馮檢基宣傳片「首映」 9人出席

【明報專訊】九龍西立法會補選候選人馮檢基噚日喺旺角一間食肆舉行「首映」,播放用競選口號「撐住,重新好起來!」為主題嘅影片,出席者唔計阿基只得9人,包括有份幫佢拍片嘅「北河同行」創辦人陳灼明等;出席撐場嘅就有民協前成員吳寶珊,同埋為咗支持基哥而申請凍結民協會籍嘅麗閣社區主任李炯,佢當時有做facebook直播,之後相關片段就落咗架。

自信最大支持來自深水埗

被問到區內有幾多人支持佢理念,基哥提到2012年民協為佢做過民調,喺九龍西佢嘅認知度係93%、喺深水埗為96%,相信自己最大支持來自深水埗,最少係油尖旺,又話其宣傳單張有提及過去喺民生議題上的成績,希望補選投票結果反映選民支持民生派。

馮檢基話仲有一神秘招式,但要準備好晒先公布。另外,選舉事務處發新聞稿話已向約49萬名九龍西選民寄出投票通知卡,通知佢哋11.25投票日應該去邊個投票站投票。候選人仲有陳凱欣、李卓人、曾麗文同伍廸希。

上 / 下一篇新聞