港聞

港聞二

下一篇
上一篇

譚文豪成功爭取房署儲物室做議辦

【明報專訊】申訴專員公署早前發表調查報告,話全港公共屋邨多個儲物室都空置,總面積高達10.9萬平方呎。其實呢啲空間只要稍為改裝,就可以有各種用途,好似公民黨立法會議員譚文豪(Jeremy)位於橫頭磡邨嘅新辦事處將會喺下月8號開幕,前身正正就係呢類儲物室。

Jeremy同Emily講,公民黨主席梁家傑在任九龍東立法會議員時,喺橫頭磡邨都有辦事處,不過2016年立法會選舉後,佢同工聯會分別入紙申請,但佢抽籤時就「斷纜」抽唔中。Jeremy其後周圍搵地方,結果發現有個儲物室已經空置咗好耐,主要用嚟存放紙皮箱等,於是寫信向房署反映,睇吓可否改建,結果政府各部門用咗兩年時間協調,處理晒水、電等問題之後,就成功改建,面積都差唔多有300呎,雖然都要抽籤決定邊個用,但今次就冇人同佢競爭喇。Jeremy感嘆,其實房署唔少空間都可以多加善用,例如改建做雜貨舖、五金舖同飛髮舖等,相信可以令領展有減租壓力。

上 / 下一篇新聞