港聞

港聞二

下一篇
上一篇

何志平案今預審 控方忙設LAN線

【明報專訊】民政事務局前局長何志平(圖)涉賄賂非洲國家政要案,美國紐約當地時間14號朝早、即係香港時間今日(15號)凌晨案前預審,控辯雙方最近都不停就唔同嘅法律問題,向法庭提交文件,未正式開審已經「刀光劍影」,Emily就發現,控方向法庭提交咗一個好特別嘅申請。

方便展示資料 費用自付

根據法庭文件,控方喺當地時間13號去信法庭,申請喺庭內安裝高速上網LAN線(high-speed wired Internet access),又話裝咗之後可以令控方唔使帶咁多文件同職員上庭,展示證據時有效率好多。控方強調,政府用嘅網絡會同法庭網絡系統100%分開,而政府會負責番相關嘅費用。法庭即日就批准咗控方嘅申請。

Emily睇過審訊何志平案嘅法庭網站,發現法庭有提供視像會議、電子證供展示系統等技術支援,不過就無提法庭有無得上網。Emily記得控方之前提過,今次案件涉及好多文件資料,唔知係咪因為咁而帶唔晒上庭呢?

相關字詞﹕海外反腐敗法 民政事務局 中華能源基金會 中國華信 何志平涉賄案 何志平

上 / 下一篇新聞