港聞

港聞二

上一篇

羅智光羨煞飛機迷

【明報專訊】飛行服務隊過去救人無數,但佢哋嘅工作環境係點大家又知唔知?公務員事務局長羅智光噚日到訪部門,同部門管理層同各職系員工見面,了解佢哋工作,同埋空中搜救、飛行支援工作嘅最新情况同面對嘅挑戰。羅智光鼓勵飛行服務隊同事繼續緊守崗位,為市民提供專業優秀嘅飛行支援服務。

參觀飛行服務隊

一場嚟到飛行服務隊,當然唔少得睇吓職員平日用嚟履行任務嘅飛機啦,羅智光邊參觀飛機庫,邊聽同事介紹行動用嘅飛機同設備,佢登上咗「挑戰者605多用途噴射機」,又參觀飛行服務隊新買嘅H-175獵豹直升機,佢話欣悉新直升機有更高性能,又配備先進儀器,相信新機隊將更有效協助同事執行任務。

一次過近距離參觀咁多架飛機,相信羨慕死一眾飛機迷啦。

上 / 下一篇新聞