港聞

港聞二

下一篇
上一篇

楊潤雄任何仁上身

【明報專訊】消防處用嚟宣傳急救信息、全身藍色只著一條短褲嘅「任何仁」(Anyone)形象深入民心,成為熱話,估唔到連教育局長楊潤雄(Kevin)都好buy,局長噚日出席小母牛「競跑助人」活動,著上大會嘅藍色T恤,令佢都自覺係「任何仁」,仲喺facebook話無論是否身穿藍色戰衣,任何人都可以幫助有需要嘅人!

出席小母牛活動嘅嘉賓,好似負責主禮嘅政務司長張建宗、「星級跑手」楊潤雄、前局長譚志源及陳家強,以及民政事務局常秘謝凌潔貞等,齊齊著上大會嘅T恤,Kevin事後就喺fb上載活動相片,形容「任何仁」精神可以無限loop,話無論大家係咪著藍色戰衣,都可以去幫人,佢好高興大會將籌得嘅善款協助偏遠山區嘅貧困家庭。今次活動有近1500名參加者,為內地山區貧困家庭跑步籌款。

相關字詞﹕任何仁 楊潤雄 小母牛

上 / 下一篇新聞