港聞

港聞二

9年前質問少六成客會點 甘乃威「神預言」高鐵客量

【明報專訊】高鐵香港段啟用9日,每日客流量都達唔到政府預期,平日乘客人次4萬左右,噚日開始十一黃金周,港鐵都係預計每日乘客人次約6萬,較政府𠵱家「保守估計」嘅8萬人仲要低。不過,本土研究社翻查立法會會議紀要,發現2009年工務小組委員會傾緊高鐵項目時,已經有議員質疑政府對高鐵嘅客流量估算,當時政府話根據數據模型評估,高鐵日均會有9.9萬乘客搭,時任民主黨立法會議員甘乃威(圖)就質疑,一旦高鐵每日載客人次較預期少60%,即每日只有4萬,經濟損失將會達到咩程度。

上 / 下一篇新聞