港聞

港聞二

楊偉雄訪共享衣櫥企業

【明報專訊】林鄭班子嘅司、局長要喺兩年內走訪晒18區,噚日創新及科技局長楊偉雄、公務員事務局長羅智光就分別去到中西區同沙田區。楊偉雄睇嘅嘢同初創有關,去咗參觀網上服飾租借平台Yeechoo,聽吓聯合創辦人介紹該公司嘅共享衣櫥概念及網上運作模式。原來Yeechoo係首批獲阿里巴巴創業者基金投資嘅香港初創企業,亦係數碼港培育計劃培育嘅企業。楊偉雄話,數碼港過去有不同計劃培育出唔少成功企業,好似GoGoVan、TNG、Yeechoo等,佢期望數碼港喺荃灣約2萬平方呎共用工作空間投入服務後,會有更多科技初創企業受惠。佢之後又喺中西區睇共用工作空間Paperclip HK,聽吓對方介紹運作模式。

上 / 下一篇新聞