話議程審得慢 葉劉﹕新同事求知慾強

【明報專訊】今屆立法會首個年度已踏入尾聲，噚日係休會前最後一個大會，新民黨主席葉劉淑儀噚日就同副主席容海恩買咗12盒壽司，慰勞記者，話一齊「鬆一鬆」，特別大家喺特首選戰期間日日跟住佢採訪。葉太話，雖然今屆立法會少咗掟嘢場面，不過啲議程就審得好慢，笑指「新同事求知慾太強」，希望佢哋熟悉咗立法會工作後可以提高效率。