梁天琦申報75萬選舉開支 計埋旺角衝突夜食M記買水

【明報專訊】年初一爆發嘅旺角衝突早已過去，喺衝突中被捕嘅本土民主前線梁天琦新界東補選開支噚日曝光。梁天琦當晚到場支援小販，向警方宣稱發起選舉活動。睇番佢向選舉事務處嘅開支申報（見表），佢年初一晚7點幾喺土瓜灣「豪食」900蚊麥當勞後，凌晨喺旺角砵蘭街便利店買咗超過200蚊嘅礦泉水。衝突前一日佢就一次過買咗3部Samsung Galaxy Ace廉價手提電話，申報900蚊，當晚仲通宵達旦，去到年初一凌晨4點買咗麥當勞及大量飲品。