港聞

港聞二

下一篇
上一篇

稱議員被挑釁好勞氣 陳健波問Madam有乜建議

【明報專訊】監警會噚日同警方代表召開聯席會議,分享吓點幫前線警員培養更好心理質素。原來由上年度開始,所有警務人員都要強制上一個名為「正向情緒及心理韌性」嘅培訓課程,以提高心理質素。會上監警會副主席陳健波,就關心之前有個EQ好高、「抄牌」時被罵仍能冷靜應對嘅警員,問警方事後有冇嘉獎呢名警員。警方代表就話已經表揚咗佢,但陳健波仲關心埋自己同一班議員,喺公開會議度請教專項研修學校高級警司招秀美,問有咩建議畀立法會議員,話一班議員喺議會成日被挑釁,成日「火燒心」好勞氣。Madam聽到呢個問題都覺得尷尬,諗住陳健波係講吓笑,點知佢唔心息,繼續追問有咩建議。

上 / 下一篇新聞