【明報專訊】特區領導成日講民生無小事，建制派第一大黨民建聯，就好賣力幫政府搵「衛生黑點」，佢哋早排話搵到131個衛生黑點，叫政府盡快跟進處理，而經過兩個月，政府就搞咗個大龍鳳「全城清潔2015 ＠家是香港」運動。民建聯噚日就匯報成果，話呢批黑點中有37個（28%）「已清除」，29個（22%）黑點「部分改善 積極跟進」，但話仲有65個（50%）未處理好而列為「未有改善」。
