立會提問鉛水 有利選戰 黃碧雲或無緣攞分

【明報專訊】立法會內務委員會下星期二召開特別會議，討論鉛水事件。食水含鉛民生攸關，又可以喺地區攞分，議員當然想發言，不過諷刺嘅係，揭發鉛水事件而人氣急升嘅民主黨黃碧雲，好可能無得發問嘞。因為一般而言，內會主席會參考議員過往喺內會特別會議發問次數，去決定議員發言先後次序，但黃碧雲今屆已經發言3次，屬於發問較多嘅議員，所以今次發問機會較低。