【明報專訊】立法會近年舉辦比較爭議嘅公聽會，就有唔少「騎呢」組織出現，睇個名就知道對方想嘲諷一下政府，好似以粗口諧音命名嘅「調理農務蘭花系」，相信係始祖之一。今年初政改公聽會亦湧現唔同組織，好似「乜乜乜大聯盟」、「我媽不是慈母大聯盟」等，但主持本周六公聽會嘅有關政改方案小組委員會主席譚耀宗，以「唔夠莊重」為由，唔准數十個團體以團體名義發言。
