董生頻論政 田少有意見

【明報專訊】全國政協副主席、前特首董建華7個月開咗4次記者會撐政府，而因為叫特首梁振英考慮辭職而被褫奪全國政協委員嘅自由黨田北俊，噚日連董建華都批評埋，話如果前特首耐不耐就出嚟講吓嘢，都唔知會對現屆政府有正面定負面影響。田大少仲話，好彩另一前特首曾蔭權無出嚟講嘢，如果唔係唔知點處理。