【明報專訊】蘇韻姿日前演出音樂劇《我們的青春日誌》番外篇《Nancy勞軍SHOW》，獻唱多首經典歌，又跳又唱，自爆被容祖兒《越唱越強》考起，「要演獨腳戲，心情超緊張，最難是《越唱越強》，覺得自己愈唱愈弱，歌詞好密、節奏好快，好似急口令，我睇容祖兒演唱會，見她唱得好輕鬆，我唱就好難，她真的好犀利」。
今次音樂劇，蘇韻姿除演出外，還參與幕後創作度橋和服裝統籌，「其實2023年已有番外篇構思，但要有晒劇本先排練，所以三四星期前先開始，時間好趕。最大挑戰一定是中文，好多歌詞同對白都好難背，成個騷一個人做，難度好高，如果不記得台詞無人救自己，所以要好熟，現場會同觀眾互動，執生好重要，好大挑戰」。圈中好友黃碧蓮到場支持，蘇韻姿笑說：「我哋大家中文都差差哋，我問佢會唔會睇唔明，佢話我都明，佢一定明。」她透露簽約新公司後，將在幕前有不同嘗試及演出機會。
娛樂組