娛樂

見面祭玩逾6小時 盧瀚霆有求必應報答「神徒」

【明報專訊】MIRROR成員盧瀚霆(Anson Lo)前晚出席《Hi MIRO! 見面祭》專場,除又唱又跳,不時向「神徒」(粉絲暱稱)大派心心和goodnight kiss,有求必應,還派御守贈歌迷。神徒回禮大合唱《不可愛教主》與高呼「我愛你」。Anson Lo為滿足現場每名神徒,相聚逾6小時,至凌晨1時50分才散場。

Anson Lo稱由第一年出道,到去泰國、韓國拍節目《MIRROR GO》,回港做好多活動又開演唱會,感覺是好長的道路。他表示到2024年大家仍在,沒有放棄,知道粉絲追星是好攰的事,花心力、時間及好多金錢,神徒用盡每個方法先可以跟他見一面,甚至未必次次可以對話,出席活動舉牌叫他的名,都是想讓他知道有粉絲在背後支持,「今日都仲喺度嘅粉絲、神徒,定係你喺中間新加入都好,都係一齊壯大緊呢個粉絲圈、神徒圈嘅一位,每一位都係咁重要。我哋一齊去發掘新可能嘅途中,我想你哋開心,見到你哋開心,我會覺得好開心。如果我知道你哋唔開心,又或者有啲嘢困擾緊,或者緊張我到喊,我都同你哋一樣唔好過」。

承諾好好照顧身體

談到身體狀况,Anson Lo說覺得與粉絲是一個共同體,他去到邊大家就會去到邊,大家的喜怒哀樂都好似影響住彼此,他好多謝大家。他近日的身體健康令大家好擔心,雖然不能告知身體檢查報告的問題,但他應承大家,「會飲多啲水,唔會再飲咁多齋啡,會好好食嘢,所以你哋唔好再咁擔心我。我會好好照顧自己,你哋都要好好照顧自己,因為你哋開心,我先至會開心」。

娛樂組

相關字詞﹕

上 / 下一篇新聞