娛樂

劉松仁謝幕感動落淚 王梓軒感謝陳潔儀照顧

【明報專訊】劉松仁擔任藝術總監、王梓軒與陳潔儀主演的音樂劇《利瑪竇》一連8場假香港文化中心上演,周日(28日)尾場,連日吸引不少藝人捧場,包括鍾楚紅、姜大衛與太太李琳琳、羅蘭、薛家燕、陳友、譚玉瑛、黃浩然與朱晨麗等。

感謝團隊攜手同氣

劉松仁在尾場謝幕時感動落淚,先後向觀眾及背後的演員鞠躬致謝,「要多謝你哋,我希望喺《利瑪竇》呢條路上面,我哋尋覓到更多同類,攜手同氣,多謝你哋。」王梓軒說:「第三次公演相隔咗4年,世界發生咗好多事,令我哋唔係咁容易,但係我哋都堅持,大家仍然喺度,呢個好難形容,感恩。有大家咁多嘅支持,相信我哋可以繼續行落去。」台下掌聲如雷,不少觀眾站起身鼓掌。

陳潔儀被讚是小太陽

王梓軒與陳潔儀在慶功宴上表示,兩人在3次公演合作共28場,異口同聲說此紀錄好瘋狂。王梓軒為了保持最佳狀態演出,每朝都會運動。陳潔儀說:「梓軒好乖,我都想好似佢咁做運動,但係真係太攰,我最緊要就係啱嘅時候食啲啱嘅嘢。」王梓軒感謝陳潔儀的支持,形容對方似小太陽,劇內劇外也照顧他,成為他的真正朋友。

娛樂組

上 / 下一篇新聞