娛樂

自認惡頂難找另一半 43歲張敬軒遇真愛會退休

【明報專訊】黎芷珊主持無綫節目《芷珊約您》前晚播出第二集,直擊張敬軒(軒仔)去年紐約演唱會兼傾心底話。問入行20年的他現在快樂嗎?軒仔說:「快樂呀,行到42歲,呢兩年係我人生最好嘅時候,有自己團隊,無論做演唱會或者拍YouTube都有好反應,派嘅歌反應又好好,爸爸媽媽生活安穩 ,想食嘅嘢又食得起,想去嘅地方又去得到,覺得人生好圓滿,但要keep住落去唔容易。」

今年43歲的軒仔被問及拍拖次數?他以「拖過一隻、半隻手仔咁啦」來形容,承認娛樂圈不易識到另一半,他亦不輕易讓人進入自己的生命,又自認惡頂,「我係個講將來嘅人,一去到講將來,標準就唔同,我係冇『不如行吓、睇吓點先啦』呢一種,所有嘢都要well planned」。他稱遇到真愛便退休,「如果commit得佢係我另一半,會同佢share人生最後嗰段時間」。

擺烏龍致提早處理「身後事」

軒仔被要求分享小秘密,自爆2012年的烏龍事,令他提早處理「身後事」,透露當年有日發覺10隻手指無故變黑,用盡方法也洗不掉,似由身體內黑出來,有如中毒,「我係個有疑病症嘅人,嗰時又有depression,醫生朋友即刻安排我入私家醫院,所有嘢check完都係正常。嗰六七日係人生第一次覺得,如果我突然間死咗,阿爸阿媽點呢?我打電話畀身邊嘅人安排好晒啲嘢。之後突然發現,嗰排着緊嘅牛仔褲點解摸完之後(對手)愈嚟愈黑嘅?原來係條牛仔褲甩色,一條牛仔褲冇咗我10萬蚊」。

軒仔稱當時致電音樂人Johnny Yim,交帶要做幾個project,對方為他編了70首舊歌翻唱,還錄了音,「雖然牛仔褲事件已經過咗去,但呢件事好似一個炸彈,如果我突然間走咗,我剩低嘅嘢係唔夠阿爸阿媽過生活」。

娛樂組

相關字詞﹕芷珊約您 黎芷珊 張敬軒

上 / 下一篇新聞