娛樂

Twins完成14場紅館騷 謝粉絲助壯舉 阿Sa前度捧場 阿嬌首談「同性密友」

Twins演唱會|容祖兒驚喜現身尾場 約Sa嬌騷後旅行

【明報專訊】Twins成軍22年假紅館舉行14場演唱會《TWINS SPIRIT SINCE 2001 LIVE IN HONG KONG》,前晚圓滿結束。尾場「龍虎豹」合體,容祖兒任特別嘉賓跟蔡卓妍(阿Sa)與鍾欣潼(阿嬌)合唱送驚喜。Twins相隔9年再開騷,當中經歷阿Sa失聲與阿嬌打側手翻後跣倒,最終順利完成14場,二人特別感謝粉絲助她們完成壯舉。阿Sa表示開騷前曾有很多聲音,質疑Twins能否完成這麼多場演唱會,承認亦曾懷疑自己,最後證明得,並透露前度石恆聰有捧場。阿嬌講述取消打側手翻原因,又解開與緋聞「同性密友」皇甫聖華關係。

記者:林祖傑

攝影:劉永銳

Twins演唱會尾場氣氛依然熾熱,老閭楊受成、陳慧嫻、王敏奕、衛詩雅、傅穎與MIRROR成員邱士縉偕女友李炘頤等捧場。Twins一輪勁歌熱舞後,阿Sa說:「14場喇!破了我們的紀錄,在場每一位都和我們共同創造這個壯舉,多謝晒!其實真的冇諗過開到14場。」

尾場粉絲為贏獎品,落力打扮成Twins以往的不同造型引偶像注意,有不少男粉絲男扮女裝,當中更有男粉絲只穿上紅色蕾絲胸圍,阿嬌不禁笑道:「個造型係咪侮辱緊我哋呀?」最終賣大包,所有扮嘢入場的粉絲都有禮物。Twins特別鳴謝陳慧嫻來捧場,阿Sa興奮高呼:「慧嫻姐姐是我們青春。」二人隨即清唱《跳舞街》,又懇請陳慧嫻快些開騷。

祖兒嘲Twins當眾獻吻欠矜持

好姊妹容祖兒任尾場嘉賓,阿Sa介紹時笑道:「呢個係傳統,呢個人上次大鬧我哋演唱會,今次應該冇飲醉。」3人合唱《隆重登場》,唱畢,祖兒向Twins送抱說:「恭喜晒,你哋搞掂喇!」她又笑問Twins粉絲:「好似不夠大聲,是否年紀大呀?最後一場是否要有拆冧紅館的姿態?」

祖兒笑稱最唔抵得聽到台下經常有人大叫「咀佢」,Twins即向她獻吻,祖兒隨即大叫:「好猖狂呢啲女人,好冇矜持囉你哋。」引得全場爆笑。之前開演唱會的她建議和Twins那麼辛苦完騷,不如密謀一齊去旅行,「萬事俱備,只欠現金,我們向老闆(楊受成)拜個早年,讓他畀錢畀得舒服啲。」還帶領全場觀眾多謝老闆,再合唱《你最紅》才落台。尾場粉絲情緒相當高漲,最終Twins兩度安歌,唱到差不多凌晨才完場。

Twins強調單身 感情未有着落

Twins騷後受訪,阿Sa承認開心在於之前很多人覺得她們未必應付到14場,有很多質疑聲音,自己也曾懷疑自己是否唔得,「但原來都仲得喎,聲音是我擔心的,因為之前傷了聲帶,以前的發聲位置已經廢了,今次演唱會令我找到一個比較好的發聲位置」。阿嬌解釋打側手翻跣倒因演唱會期間病了,「當日服了感冒藥,雙手冇力,現在我咬東西都冇力,身體裏面好亂,亂到去唔到廁所,所以要放假休養」。

阿Sa透露不但初戀男友每次開騷都捧場,前度石恆聰今次亦有捧場,她與阿嬌均表示現階段感情未有着落。對於緋聞「同性密友」皇甫聖華來港捧場,阿嬌首談對方,「係朋友,唔可以有朋友嘅咩?(佢咀你喎?)唔係啦!朋友。(要不要特別澄清?)唔使,好多朋友都有嚟啦」。

■更多娛樂猛料 ﹕ol.mingpao.com

上 / 下一篇新聞