娛樂

Twins應粉絲要求當眾咀嘴

Twins演唱會|蔡卓妍鍾欣潼新歌《忠粉》未唱已喊

【明報專訊】Twins前晚舉行第11場紅館演唱會歌迷場,蔡卓妍(阿Sa)與鍾欣潼(阿嬌)為粉絲安歌多4首歌,又選唱為歌迷寫的新歌《忠粉》 ,全場觀眾表現熱情,二人未開口唱歌已落淚,淚流滿面獻唱完,她們拿紙巾抹淚,大嗌好感動。阿Sa稱組合走來22年不容易,最感謝歌迷多年來無論好壞日子都陪伴到底,讓Twins可以行下去。

阿Sa和阿嬌心情平復後,變回平日瘋癲模樣,突然唱:「冇咗你哋我哋會死,ABCDEFG,fans fans我哋支持你!」讓陪着哭的歌迷爆笑。台下粉絲不停狂叫「咀佢」,阿Sa笑說:「真係有咩咁特別?又唔係未見過?成日都做㗎啦!」最後她敵不過萬人大叫「咀」,Twins搞笑跳出像打功夫舞步,阿Sa拉阿嬌咀嘴,第一次失手相撞,笑爆全場;第二次咀到,歌迷瘋狂大叫,阿嬌笑道:「真係無聊呀,你哋!見係粉絲場滿足吓你哋。」

觀眾反應值500分

Twins安歌時換上新衫出場,萬人K歌大合唱經典歌,每晚給觀眾評分的阿嬌打出500分。阿Sa說笑稱不想走,叫大家點歌,要安歌到凌晨3點,最後安歌《大浪漫主義》、《百試不厭》等5首歌,再以《風箏與風》結尾。

娛樂組

■更多娛樂猛料 ﹕ol.mingpao.com

上 / 下一篇新聞