娛樂

邱傲然打側空翻「撻生魚」嚇親鏡粉 邱士縉拖姜濤驚喜合唱互笠高帽

【明報專訊】MIRROR在亞博舉行16場演唱會,前晚第12場,尾段大派彩蛋,邱士縉(Stanley)和姜濤組成限定「大表姜」CP,合唱姜濤的《蒙著嘴說愛你》。「驚」喜一浪接一浪,邱傲然(Tiger)表演側空翻變「撻生魚」,一眾鏡粉嚇得驚叫,Tiger隨即站起報平安:「我無事。」MIRROR演唱會下月3日最後一場,網上流傳尾場靚位門票炒至逾一萬元一張。

娛樂組

MIRROR前晚在演唱會結束前跳唱《WE ARE》,12子施展渾身解數冧粉絲,Stanley示範一字馬,邱傲然(Tiger)表演側空翻,落地一刻角度有偏差,整個人像「撻生魚」跌坐台上。鏡粉擔心得驚叫,Tiger立即起身示意沒有受傷,還即場致歉,隊友王智德(Alton)應變能力好快,大叫:「冇事,冇事。」

Tiger完騷重演側空翻

事後Tiger在社交平台上載短片報平安,寫道:「邊度跌低,邊度企番起身。」還Hashtag「我無事!」Alton、Lokman(楊樂文)與AK(江𤒹生)搞笑直擊Tiger重演側空翻,最後完美落地。Alton說:「直擊報道,邊度跌低邊度起番身,我哋一鏡到底睇下佢真功夫先啦,交個台畀你啦,世侄!」AK還給Tiger花名「阿達」。

姜濤睇好Stanley成影帝

Stanley在演唱會騷肌備受注目,更被封「大表波」,前晚他跟姜濤合唱《蒙著嘴說愛你》,姜濤搞笑嘟嘴索吻又熊抱Stanley,輪到Stanley攬姜濤時,笑說:「我應該攬到嘅。」兩人又拖手合唱。姜濤稱視Stanley為哥哥,感謝對方一直在背後支持,「佢(Stanley)有一排成日都好似話我嘅,跟住佢就話:『我話你好過出面啲人話你。』希望你以後可以繼續話我,佢教咗我好多嘢,同埋佢係好勤力,係好唔簡單,一直都等緊機會,默默地好有耐性咁付出佢嘅時間學演戲,所以我相信佢可以變成影帝。」Stanley讚姜濤內心好強大,覺得這個小朋友好叻。

演出後Stanley在社交平台補充,「這個人,我會用『在心中』形容,永遠都會撐你(姜濤),但我都會努力咁『鬧』你,我愛你兄弟」。MIRROR演唱會好評不絕,尾場演唱會門票的「黃牛價」再飈升,網上流傳的價目表,靚位最高價逾一萬元一張。

阿嬌打側手翻失手

此外,Twins前晚紅館演唱會同樣發生意外,阿嬌(鍾欣潼)打側手翻時失手,整個人失平衡跌坐台上,阿Sa(蔡卓妍)則順利完成動作,當她發現好姊妹跌坐台上即上前扶起她,阿嬌沒大礙,並和阿Sa做出ending動作,相當專業,全場歌迷歡呼。

Twins每場都有握手環節,其中一晚阿Sa被「狂迷」索吻,並在臉上留紅唇印,原來「狂迷」是好姊妹鄭希怡,她和囡囡「梁浸浸」睇騷,她吻致阿Sa面珠留唇印,體貼用手替阿Sa抹掉唇印。

相關字詞﹕姜濤 邱士縉(Stanley) 邱傲然(Tiger)

上 / 下一篇新聞