【明報專訊】張學友前晚於紅館舉行《張學友60+巡迴演唱會 香港站》第二場，心情大靚的他滔滔不絕與觀眾互動，感謝觀眾工作完一天很疲勞仍選擇入場，希望大家度過非常愉快的一晚，「其實我都知道大家工作平時有好多壓力，邊度有一帆風順呢件事吖。冇嘅，只要搵到適當方法發泄就得，大家來到紅館唔好客氣，盡量用自己方法發泄。如果鍾意嗌可以盡量嗌，如果鍾意唱歌可以同我一齊唱，大聲啲冇所謂，當然如果覺得好攰想瞓覺都冇問題，雖然我見到會傷心啲，覺得我的聲音適合瞓覺，你咪瞓囉。我會安慰自己把聲真係靚，居然可以聽到瞓覺。覺得我好笑亦可以隨便笑，大家可能諗起《東成西就》、《阿飛與阿基》，冇所謂，我拍戲都係以喜劇為主，導演梗係覺得我好笑先搵我拍，係咪先！」