娛樂

林日曦要求黎明下次開傾偈騷

【明報專訊】黎明前晚第3場紅館演唱會嘉賓是「腦細」林日曦,兩人大講金句。林日曦指黎明演唱會名《Talk&Sing》,Talk在前面,代表黎明終承認鍾意說話多過唱歌,他要求黎明下次開Talk Show,還列出多個不同騷名,如《Talk&Talk》、《情深金句未曾講》、《對不起 我愛講嘢》等。黎明說:「不如叫《夏日傾偈》!」全場觀眾拍掌。林日曦說:「黎明真係黎明,等我幻想吓, 2022年夏天《黎明Talk Show之夏日傾偈》,真心得喎,我都想睇。」

「初代大叔的愛」 拖手唱歌

當林日曦想離開時,黎明拉着他說:「你今日唔嚟,本來只係一個正常黎明演唱會,腦細嚟咗,將成個紅館變成公司例會。」林日曦指黎明又爆金句:「好多人問我平時點同黎明傾偈?我心諗:有幾難明?明就明,唔明就黎明!」黎明認同:「係囉,今日唔明,聽日自然明㗎啦。」林日曦重演黎明邀請他做嘉賓的電話對談,黎明跟他說:「你知嘉賓好似香檳咁,唔飲無問題,飲咗更加high。」林日曦答:「做嘉賓無問題,有無酬勞?因為酬勞好似香檳咁,無都得,有就更佳!」黎明說他肯唱歌,酬勞更加高。林日曦表示唱歌無問題,但有「走音」壞習慣。黎明說:「走音無問題,睇吓你揀邊首歌?揀啱歌,點走音都只係留喺紅館入面啫!」兩人的對話令全場爆笑。林日曦提到與黎明之前拍廣告踩單車,說算是「初代大叔的愛」,之後兩人手拖手情深對望唱《但願不只是朋友》。

娛樂組

■更多娛樂猛料 ﹕ol.mingpao.com

相關字詞﹕「腦細」林日曦 黎明

上 / 下一篇新聞