娛樂

太極為紅館騷變身「90後」 雷有輝爆隊友朱翰博出蠱惑

【明報專訊】太極樂隊將於8月7日及8日在紅館舉行兩場《Rainbow After Rain演唱會》,日前隊友開會討論新一輯廣告,決定以動畫形式拍攝,眾人的容貌4秒後慢慢變老36年,成為真正的「90後」(90歲後)。

主音雷有輝大爆隊友朱翰博(Ricky)出蠱惑,要求設計師幫手出術:「我哋每個都變90歲嘅樣,得他揀張後生相,睇落跟𠵱家無咩分別,可能他都知自己擺唔耐,未必有90歲命掛?其實變老好容易,做少幾次Mask、不化妝都可能有這些效果。」

鄧建明被自己的老樣嚇親,笑言有「趕客」成分:「初初諗邊個咁大整蠱?原來是由老變後生,都好些,因為有比較,𠵱家睇落仲靚仔好多!今次個騷好多Gary(唐奕聰)生前嘅好朋友都話想幫手,好多人嚟支持。未綵排,但都唔習慣無咗佢,每一個細節都預佢一份。」

劉賢德叫粉絲撲飛

劉賢德(Hi-Fi德)叫太極粉絲積極撲飛,稱未知何時會再搞個唱:「𠵱家世界日日改變,呢個騷都因為疫情延期幾次,下次再聚都唔知幾時,可能要30年後先有機會搞,到時我哋仲未死又行得郁,再唱畀大家聽囉!」

娛樂組

相關字詞﹕Hi-Fi德 劉賢德 朱翰博 雷有輝 太極樂隊

上 / 下一篇新聞