娛樂

當年被封「軟飯王」 Bobby懶理:係就驚啫

【明報專訊】Bobby與太太傅潔嫻結婚20多年依然恩愛如昔,但因外家的家底顯赫,他仍難逃被惡意中傷,當年與太太結婚時被封「軟飯王」,他說:「咁多年我都無理,我係就驚啫,唔係就唔使驚喇!不過無所謂,證明自己都有人講吓;其實畀人寫呢啲嘢,邊有男人開心,最慘唔係嘛!初初仲話我『嫁入』豪門,外母睇到大嗌陰功,戥我唔抵,好在外母知我為人。之後在內地工作,又話我北上尋歡。」

入行至今幾乎零緋聞,只有多年前被陳妙瑛打爛齋缽。重提此事,Bobby仍有點勞氣,形容這是笑料一則。

重提陳妙瑛緋聞得啖笑

他說:「當年為陳妙瑛公司推出的鼻鼾丸任代言人, 她聽從智囊團建議,找人扮偷影宣傳,當時太太亦同行,最後傳出緋聞,她的男友唔拆我骨,我老婆都想拆佢骨,最慘是有人信,有朋友問我同老婆咁好,為什麼要同陳妙英咁樣,兩個形象都咁正面,為何要這樣做。呢單嘢真係好搞笑。」

上 / 下一篇新聞