娛樂

Ben Sir隔空撐有潛質爆紅 趙祥誠盼不負所望成亞洲第一

【明報專訊】ViuTV《全民造星》捧紅男團MIRROR,成員姜濤更是人氣王,除密密拍廣告,日前22歲生日,獲粉絲豪花近百萬元祝賀。

向來喜歡探討不同話題的「Ben Sir」歐陽偉豪,近日在facebook專頁發帖文:「我唔明點解今年《造星》折骨Ben(冠軍趙祥誠)贏咗,但紅咗姜B(姜濤)?利申:兩個我都鍾意。」吸引大批網民留言討論,其中包括當事人趙祥誠,他謙虛表示會努力,承認自己有很多地方不夠好,會練唱歌及做戲,什麼都會試,並說:「本來我唔係為咗紅先開始跳舞,有人欣賞就夠了,始終我明白折骨舞唔係個個識欣賞,拎到冠軍最驚喜係我自己。但𠵱家我知道我有責任,要有啲更高質素嘅表演同成就,先可以去代表香港嘅年輕人,姜濤講過,我哋會成為亞洲第一,我都相信我會係其中一個。我會繼續努力落去,畀啲時間我。」還說很喜歡Ben Sir。

不少網民留言鼓勵趙祥誠,Ben Sir也叫對方加油,並留言:「加油阿仔,瓣瓣都要做多啲。如果我冇做多啲,我哋都唔會喺呢度遇上。」趙祥誠回覆Ben Sir:「知道!我會證明畀大家睇,多謝你支持我。」

娛樂組

相關字詞﹕姜B 折骨Ben 歐陽偉豪 姜濤 趙祥誠

上 / 下一篇新聞