娛樂

下一篇
上一篇

兒子7個月大 張致恒宣布老婆再懷孕

【明報專訊】張致恒(Steven)今年7月自爆與圈外女友雯雯的婚訊,以及有3個多月大的兒子天寶。隨即他被揭一腳踏五船的「桃色風波」,形象插水,他向各方道歉。9月他與雯雯正式註冊結為夫婦,兒子現在已7個月大,他們不時在社交平台曬幸福家庭照。昨日有傳雯雯懷第2胎,將再做爸爸的Steven昨晚在社交網公布喜訊說:「感謝主畀多一個小孩我哋!」

雯雯前日留言暗示有喜

雯雯前日在社交平台上載Steven抱着囝囝的溫馨合照,她留言:「已經幾日食唔到嘢……什麼都無力做唔到,辛苦你照顧個仔,仲要照顧我,辛苦你要將我食完一兩啖嘅嘢食埋佢,辛苦你要一日煮咁多餐畀我食,辛苦你要遷就我嘅脾氣同無理取鬧。」

當時不少網民已猜測雯雯是否再度懷孕,因她寫道:「仲有幾個月,大家一齊努力堅持埋佢。」字裏行間似暗示有喜。

Steven回覆老婆說:「因為你,我真係要好好減肥先得,如果唔係我抱唔到兩個啊,我愛你。」日前Steven的35歲生日當天,雯雯上載全家福說:「下年……我身體回復正常,答應你,我一定會親手煮番餐飯畀你食。希望接下來我哋一家人可以簡簡單單、齊齊整整過每一個生日同節日,𠵱家一齊努力迎接我哋嘅下一個旅程。」

張致恒努力掙錢養家

昨晚Steven在上載雯雯抱着天寶的照片,宣布喜訊:「多謝大家嘅祝福,感謝主畀多一個小孩我哋,其實我同太太都好鍾意小朋友,天寶又可以多一個細佬或者細妹,我覺得咁樣屋企又熱鬧又開心,所以我會更加努力,令到佢哋快樂成長!」

娛樂組

相關字詞﹕天寶 雯雯 張致恒

上 / 下一篇新聞