【Emily】上次灣區律師執業試肥佬 稱習思想難答 大狀麥慶歡再接再厲

Angel話，今次有再溫書，亦有上廣東省律師協會主辦嘅網上培訓班。佢話因為做開大律師，處理法律處境解難題都唔係太難，比較難係要答例如國家主席習近平思想之類嘅題目，因為始終唔係身處內地環境，感覺有啲抽離。由於大律師大部分都本地執業，佢話所知身邊考完試嘅大律師未必返內地執業，但可以多個資格都好。

Emily留意到，或許行政成本增加，原來考評局今年加價，考試費由舊年800蚊加到1072蚊，加幅有三成四，而內地當局本身要收55蚊人民幣手續費。