大灣區

港聞

下一篇
上一篇

【Emily】上次灣區律師執業試肥佬 稱習思想難答 大狀麥慶歡再接再厲

【明報專訊】中國司法部前日公布,第二屆「粵港澳大灣區律師執業考試」將喺下月11號舉行。上次考試未能過關嘅民主思路理事、大律師麥慶歡(Angel)同Emily講,今次會再接再厲。

Angel話,今次有再溫書,亦有上廣東省律師協會主辦嘅網上培訓班。佢話因為做開大律師,處理法律處境解難題都唔係太難,比較難係要答例如國家主席習近平思想之類嘅題目,因為始終唔係身處內地環境,感覺有啲抽離。由於大律師大部分都本地執業,佢話所知身邊考完試嘅大律師未必返內地執業,但可以多個資格都好。

Emily留意到,或許行政成本增加,原來考評局今年加價,考試費由舊年800蚊加到1072蚊,加幅有三成四,而內地當局本身要收55蚊人民幣手續費。

相關字詞﹕麥慶歡 大灣區律師執業試

上 / 下一篇新聞