副刊

封面

下一篇
上一篇

單身看﹕跟巴士先生十年後的約會

【明報專訊】電話響了7.5秒後,一個陌生人接聽電話:「FACE LO……」(我聽不清楚)我說﹕「喂喂!」「係,您好!」「早晨,請問係唔係9191-9296呀?」「係呀係呀!」「我喺巴士站呢,喺一個井欄樹嘅巴士站見到你嘅電話號碼呀。」「井欄樹?」「係呀。」「係關於咩事㗎請問?」「哦冇,我見到個電話好得意,打電話嚟睇下有冇人聽咋嘛。」「吓!點會?係登咗喺邊度呀請問?」「喺巴士站呀?叫做龍騰……騰龍台呀,喺井欄樹嗰個位置附近㗎。」「咁係點樣呀?係寫喺巴士站度?定係噴出嚟?定係點樣㗎?」「佢就……噴咗喺巴士站嗰度,就8個冧巴咁樣。」「唔!」「……我仲以為咩電話𠻹,所以打嚟試吓有冇人聽囉。啊,真係有人聽喎哈哈!」「有啲奇怪喎咁樣!」「我姓白㗎。」(他有點猶豫)「呀……你好……係呀……大概佢係賣廣告定係點樣㗎?」「佢又唔係賣廣告喎,佢……總之寫喺個巴士站嗰度啦﹕9191-9296咁樣。」「你講嘅係咪新式嗰種巴士站呀請問?」「係呀係呀!」「即係Acrylic膠同埋不鏽鋼嗰啲嚟嘅?」「係啦係啦係啦!」「……好奇怪,唔知點解?係呀,唔該晒你先。」(我有點歉意)「唔好意思呀,唔該晒!」「唔好咁客氣,拜拜!」「拜拜!」(通話時間共1分31秒)

上 / 下一篇新聞