獲中央支持喺香港成立嘅亞非法協香港區域仲裁中心慶祝成立一周年，今日（25日）同15個包括本港在內嘅區內法律組織簽署合作備忘錄，包括本港兩個律師會、亞洲國際仲裁中心、深圳律師協會等，加強合作。除咗簽署儀式，現場仲有非洲特色歌舞表演，包括律政司長林定國一眾嘉賓喺台下睇到拍晒手掌。
外交部駐港副特派員方建明致詞時，稱讚香港經貿往來同交流合作「紅紅火火展開」，加速復常，「每個人都切實感受到香港回來了」。佢呼籲法律界動起來、忙起來，集中力量，整合資源，為香港對外交往護航，為國家發展大局助力。
林定國以英文致辭時話，亞非法協香港區域仲裁中心係呼應國家主席習近平一帶一路倡議，加強同亞洲、非洲國家合作。佢話，香港會加強同內地關係，繼續喺亞太區國家法律同爭議服務扮演領先角色。