港聞

下一篇
上一篇

【Emily Online.短片】「任何仁」伙曹星如再出片 結尾一句「最後一集」現真身 網民又擔心被消失 (12:46)

消防處宣傳急救信息嘅虛擬角色「任何仁」登場後,旋即成為網絡紅人,早前更一度傳出消防內部不滿真人版「任何仁」的流言,但其後消防區長大派「定心丸」,而「任何仁」自己亦喺Facebook專頁報平安,始令流言暫時平息。然而,今日消防處出新片,由「任何仁」伙拍「神奇小子」曹星如推廣急救常識,但短片最後「任何仁」就話今次係「最後一集」,令網民又再擔心「任何仁」的前途。

短片入面,「任何仁」借一個虛構故仔,除咗教人點樣施行心肺復蘇法同使用AED機之外,亦呼籲市民唔好擔心急救會導致病人情況愈來愈差,鼓勵大家話:「只要你敢,你救返嘅唔止係一條人命,仲救返個細路仔嘅家。」

短片最後,曹星如向「任何仁」提出想見真身嘅要求,「任何仁」就話:「你咁突然嘅?好,我見今日係最後一集,我畀你睇吓個樣!」鏡頭一轉,原來「任何仁」的真身就是曹星如自己!佢解釋話:「其實我即係你,只要你敢,任何人都可以救人。」

短片出街後,唔少網民針對「最後一集」呢一句發表意見,擔心「任何仁」會「被消失」,紛紛話「唔可以係最後一集㗎!畀返呀任何人我哋」、「點解係最後一集呀?仲想睇喎」、「最後一集係咪指擊活人心系列最後一集呀」等等。

相關短片

其他新聞:虐待12歲兔唇女 父母各判2年感化令 官強調「最後機會」盼重修親子關係

其他新聞:【東涌迫爆】姚思榮:旅遊界商場商議包車接送旅客 籲勿搞光復行動免添煩添亂

其他新聞:直言施政報告漁農部分不合格 何俊賢仍支持致謝議案 「多謝辛苦是應該」

相關字詞﹕emily online 任何仁 曹星如 消防處 編輯推介

上 / 下一篇新聞