經濟

下一篇
上一篇

【小小心意】新地股東會改派帝苑餐盒 股東勁搶700盒 (16:50)

每年新地(0016)股東會都有唔少長情股東捧場,今年公司就畀了一個小驚喜大家,將以往分發畀到場股東的餐盒轉了由旗下五星級酒店帝苑酒店提供,仲派咗成700份添!

眾所周知,帝苑的餐廳西餅好出色,係唔少人歎茶之選。今次新地派畀股東的帝苑餐盒,有別於一般股東會只派小貓兩三件西餅,而是每套有三個餐盒連飲品,備齊咸甜點,例如帝苑出名的芝麻蝴蝶酥、班蘭奶皇包、蟹籽燒賣及其他越南小食等等。餐盒中單計甜品都有四款,仲貼咗新地LOGO係上面,賣相都頗吸引。

據了解,今次出席的股東人數眾多,每位股東本人連授權書最多限拎5套,派了超過700套,唔少股東對安排都相當滿意。

記者:方楚茵

相關字詞﹕財經網-即時財經 新地 股東會 帝苑餐盒 股東勁搶 700盒 編輯推介 main slider2

上 / 下一篇新聞