港聞

下一篇
上一篇

【東涌迫爆】斥大量違法內地團湧入 姚思榮倡拘導遊:不可以算數 (10:15)

港珠澳大橋通車後東涌迫爆,內地旅行團湧入,當中部分涉嫌無牌經營。旅遊界立法會議員姚思榮認為應發出嚴正執法信息,「唔可以話算啦,(唔可以話)呢啲事唔係好嚴重、係個別事件」。

其他報道:湧東涌大橋團「兩無」涉違法 無牌無「地接」 領隊疑「黑工」 政府交警跟進

姚思榮今早於商台節目形容情況相當嚴重,東涌居民怨聲載道,人潮亦影響周圍環境如衛生等,明言「呢個情況唔可以話算啦,(唔可以話)呢啲事唔係好嚴重、係個別事件。呢件事應保安局責成警察做事」。

問到本周末前是否可解決問題,姚思榮指昨日已致電保安局及旅遊事務署等,認為應對非法導遊採取行動,「做咗呢步,肯定旅行社震晒架喇。首先將個導遊拘留咗佢先,咁成個團邊個理啊,成個團就無人理架喇喎,佢嗰個旅行社壓力就會大」。

姚思榮又促請旅遊事務署向內地文化旅遊廳反映情況,「咁大量違反(香港)法例情況,應由文化旅遊廳警告同懲處」。

同場的旅遊促進會總幹事崔定邦表示,按其觀察,「不明來歷團」人數達2萬人,比正規、已登記團人數更多,對口岸壓力好大,批評「因為不明來歷旅行團影響晒成個運作,唔理想」。至於是否預測到今次情況,他形容是「全新體驗」,期望社會大眾特別是東涌居民,給時間政府和業界處理。

商務及經濟發展局長邱騰華昨回應事件時稱,港珠澳大橋通車後「鄰近地區嘅內地朋友」來港是好事,「佢哋嚟參觀、觀看同感受大橋作為兩地嘅連繫,我哋作為主人家,應該歡迎佢哋」。他又說,關注違規旅行團情况,已透過內地辦事處向廣東省港澳辦提出有關問題,希望透過政府與政府之間加強宣傳及規管來處理。

其他報道:「不明」內地團 遊大橋迫爆東涌 席地休息掃貨滿地垃圾 居民不滿

其他報道:【港珠澳大橋】市民嘆東涌滿地垃圾「不像香港」 旅議會:會加強教育

相關字詞﹕港珠澳大橋 姚思榮 迫爆東涌 編輯推介

上 / 下一篇新聞