港聞

下一篇
上一篇

【Emily Online】「任何仁」英文名叫Anyone 各地消防邊個最吸引? (21:36)

香港消防處今日開記者會,介紹上月2日成立嘅「社區應急準備課」,同埋最近啟用嘅消防處官方facebook專頁,由頭藍到落腳嘅「任何仁」都有份「亂入」記者會。佢一喺新聞出現,旋即引起全港市民談論,更有fb專頁特登搵咗世界各地消防宣傳嘅模特兒嚟比較,話「我覺得香港贏囉!」

相關報道:消防處推官方fb教救人、自救技巧 「任何仁」亂入記者會

fb專頁「我睇咗啲乜嘢」搵咗內地、台北、日本、法國、美國同印度嘅消防員宣傳照,同香港消防處嘅「任何仁」比較,其中內地、台北、法國同美國,宣傳時似乎都係「show肌」;日本消防打扮到好似忍者咁爬到上竹梯頂;印度消防就搵消防員企上雲梯升高,下面仲有班人喺度疊羅漢。至於我哋香港嘅「任何仁」,專頁就揀咗佢拎住滅火筒示範滅火嘅相放上fb。究竟邊個地方嘅宣傳最吸引,就真係見仁見智,不過「我睇咗啲乜嘢」嘅admin就喺post入面話:「我覺得香港贏囉!」

「任何仁」今日洗咗大家版,佢夜晚都再喺消防處fb「自抽」,重申「任何仁就係每一個人,英文名叫Anyone」,又話自己「邊有資格做消防處吉祥物吖」。唔知係太多人講佢,佢話「今日成日打乞嚏」,但抖之前都提提大家,就算要惡搞佢,都請「不忘報course擊活人心」,隨時準備好救人。

其他報道:獨食近60粒炒白果 38歲女子中毒入院 衛生署:一次過食10粒可致中毒

其他報道:東華三院安排轄下31校學生在校打流感針 K3生:安心有同學陪

相關字詞﹕emily online 網上熱話 消防 任何仁 擊活人心 編輯推介

上 / 下一篇新聞