港聞

下一篇
上一篇

【Emily Online】民主黨區議員搞港珠澳大橋高鐵街坊團 工聯會贈興話「貼地」但指用錯台灣相 (16:41)

民主黨喺立法會內曾經反對建造廣深港高鐵香港段撥款,並反對喺西九龍高鐵站內劃出內地口岸區實施「一地兩檢」。高鐵香港段同港珠澳大橋上月同今個月先後啟用,民主黨沙田區議員吳錦雄就搞兩天「街坊團」,標榜「一次過去晒兩個基建」,12月中由香港出發經港珠澳大橋去珠海,玩埋佛山、順德之後,再去到廣州南站坐高鐵「直達香港」西九龍站。

其他報道:【港珠澳大橋】周日出境高峰每小時24班直通巴往珠海 團體客可預訂 料共載5000客

工聯會離島區議員鄧家彪今日喺facebook上載咗呢個團嘅宣傳海報,揶揄「都話民主黨貼地,急民所急,想民所想!一次過去哂(晒)兩大基建,擁抱大灣區一小時生活圈。公民黨,你呢?」

工聯會陸頌雄之後喺facebook轉載咗鄧家彪個post,仲話民主黨海報用咗台灣高鐵(700T型)張相,「似乎唔太專業噃?」

吳議員同Emily承認,民主黨其實有提醒過議員「盡量唔好搞呢啲團」,不過佢自己認為黨友喺立法會內已經表達咗反對意見,而呢啲基建已經上晒馬、完成埋,企喺一般居民角度都想見識下呢啲景點同基建。佢認為搞活動畀居民消閒,同民主黨立場無衝突。佢反問:「民主黨都反對東大嶼填海,唔通第日填完之後又唔去咩?」佢又話,有啲團體喺侍產假問題上,都「講一套做一套」喎。

吳議員話,如無意外佢會親自帶團,到時會親身喺西九龍站內體驗「一地兩檢」,直言「都好驚㗎」。佢話,呢個街坊團都好受歡迎,但承認黨內就有人提醒佢應該低調啲處理,例如搵啲居民協會主辦,佢自己都認為「係需要小心啲嘅」。

其他報道:【紅磡站調查聆訊】目擊剪鋼筋為何只報禮頓不通知港鐵 潘焯鴻稱地盤剛開不欲搞壞氣氛

其他報道:馮檢基批陳凱欣李卓人「一擔擔」 李反斥「掉轉槍頭」 陳為馮受壓叫屈

相關字詞﹕港珠澳大橋 高鐵 西九龍站 民主黨 吳錦雄 鄧家彪 大灣區 編輯推介

上 / 下一篇新聞