港聞

下一篇
上一篇

【Emily Online】民建聯派遮叫街坊支持陳凱欣? (17:41)

九龍西立法會補選下個月25日就舉行,社福界選委曾健超噚晚喺facebook話,入咗選舉期,但有人「明目張膽犯法,走入屋邨呃公公婆婆;一邊攪活動、一邊派單張宣傳叫人投票支持,仲一邊派禮物!?」曾健超同Emily講,收到街坊報料,話民建聯九龍城區議員邵天虹喺馬頭圍邨搞「贈送愛心拐杖傘計劃」,把傘係由「九龍城區居民聯會」贊助,上面印有「健康常伴你」字樣,「入面夾埋陳健康(補選候選人陳凱欣)嘅單張,叫人支持」,曾健超質疑有賄選之嫌。

陳凱欣月前曾經擔任九龍社團聯會嘅「健康大使」,而「九龍城區居民聯會」正係係九龍社團聯會嘅屬會。陳凱欣競選團隊回應話「並無安排任何相關活動。」

邵天虹之前陪過陳凱欣去「洗酒樓」,佢同Emily講,派遮同「健康大使」活動無關,無派單張、無叫人支持陳凱欣。佢又話,呢個活動係上個星期開始,街坊要親自去佢辦事處登記姓名、留電話攞遮;至於點解要登記,佢就話係一貫做法,資料唔會用於選舉,又話之後搞活動會注意賄選問題。

九龍西補選候選人還有伍廸希、曾麗文、李卓人及馮檢基。

其他報道:血管介入治療增中風人士康復率 黃金6小時 團體倡推24小時服務

其他報道:新角膜移植微創技術 一片角膜兩名病人受惠

其他報道:【山竹過後】駐港解放軍涉未經許可清理郊野公園塌樹 張建宗籲大眾「不要執着官僚」

相關字詞﹕九西補選 陳凱欣 民建聯 編輯推介

上 / 下一篇新聞