港聞

下一篇
上一篇

【短片:Emily Online】記者採訪港珠澳大橋開通 領教旅巴「逼」乘客扣安全帶奇招 (13:22)

搭車要扣安全帶大家都知,但搭旅遊巴同巴士,就算座位有安全帶,好多人都未必會扣。而內地喺呢方面原來都行得幾前,仲有方法「逼迫」乘客扣安全帶𠻹。

話說Emily今朝喺珠海採訪港珠澳大橋開通儀式,朝早6點左右,就按主辦單位要求到酒店大堂接受安檢,之後上旅遊巴坐低,等其他記者做好晒安檢先可以一齊出發。但喺旅遊巴上等候期間,旅遊巴不停發出「咇咇咇」聲音,非常刺耳。到旅遊巴開車前,先有職員提醒記者要扣好安全帶,否則啲「咇咇」聲就唔會停,一班行家當然即刻扣好晒安全帶,旅遊巴恢復寧靜,大家都鬆一口氣。

今日嘅開通儀式,大會到開始前一刻都無公布具體行程,淨係要求記者朝早6點10分開始安檢,7點10分開車出發。可能大會驚記者遲到,Emily今朝5點喺酒店房已經收到morning call。

今日參加儀式嘅嘉賓唔准帶電話,但記者就可以,一如「兩會」情況,唔少嘉賓到場後,都搵現場嘅記者幫手影相,而且都幾有秩序,排晒隊一批批咁影,加埋會場以紅色為主嘅佈置,Emily差啲以為去咗飲呀!班嘉賓最後都不忘叮囑記者,要記得send返啲相畀佢哋。

港珠澳大橋開通相關新聞:

習近平宣布港珠澳大橋開通 林鄭致辭感謝中央 廣東省委書記:自信橋

習近平林鄭月娥並肩進場

會場第一排正中位置無名牌 料為習近平座席

張建宗感興奮:中國人驕傲光榮 料習近平發言談大灣區

5點半早餐6點半安檢 1分鐘都不能遲 大橋開通禮 貴賓禁帶手機

相關字詞﹕港珠澳大橋 編輯推介

上 / 下一篇新聞