港聞

下一篇
上一篇

【Emily Online】採訪港珠澳大橋開通有「溫馨提示」 記者嘉賓酒店與大橋有一定距離  (23:39)

港珠澳大橋聽朝舉行開通儀式,Emily同部分香港嘅行家都係上星期收到中聯辦嘅「特急」採訪通知,報名之後等完又等,到今日中午都仍然未收到正式嘅採訪安排。Emily最終都決定提前過珠海,去到珠海中聯辦指定嘅酒店,最終都成功攞到採訪證。

職員又派發咗23號採訪嘅「溫馨提示」俾記者,唔知係咪因為有領導人出席,份「溫馨提示」無提及活動開始嘅時間同地點,淨係話要6:10喺大堂安檢,7:10開車出發,仲提醒記者,「活動現場請着裝整齊,並務必將手機關機或調至靜音模式」。

今次嘅採訪,中聯辦同珠海當地嘅萬豪酒店傾咗個「協議價格」俾記者預訂,一晚盛惠600蚊人民幣,包22號晚餐、23號早餐同午餐,咁睇嚟個開通儀式中午之前就會結束。酒店房間都相當浪漫,浴缸同房間之間嘅趟門可以完全打開,似乎都係比較適合情侶入住,Emily都只能望住個浴缸趕稿喇。

至於其他嘉賓,例如立法會議員、大橋工程團隊等,就住喺靠近橫琴嘅「喜來登酒店」同「華發公寓」,同記者入住嘅酒店都有啲距離。無論係記者同嘉賓,住嘅酒店都距離港珠澳大橋有一定距離,最近嘅一定就係盛傳國家主席習近平入住嘅「珠海渡假村酒店」,聽聞酒店內都已經可以望到大橋同珠澳口岸人工島𠻹。

其他報道:曾改判「雙學三子」即時監禁 上訴庭副庭長楊振權獲委任署理高院首席法官

其他報道:終院常任法官鄧國楨榮休 寄語大眾努力發聲讓選票發揮作用

其他報道:【沙中線工程問題】禮頓認8支鋼筋有問題已修正 質疑中科稱有工程問題相和片段是「要錢策略」

相關字詞﹕emily online 港珠澳大橋 編輯推介

上 / 下一篇新聞